يا مسك الليل
بقلم ماجدة البهيدي
+++++++++++
ولو بعدك هتوه في البعد
ولو في بنا مليون سد
عيونك جمبي بطبطب
وتمسح لي الدموع ع الخد
أقولك شئ حقيقي بجد
وأوعاك يوم تقوله لحد
انا عاشقة العيون العسلي
وطابع الحسن زان الخد
جمالك عدا فاق الحد
وقلبي بنظرة واحدة أتشد
ولا عمري ما كنت أتصور
إني أحبك لهذا الحد
حبك كان ليا الدفا من البرد
ولقيتك متفصل على القد
صدقتك وطوعت هواك
وطرحت في قلبي جناين ورد
من بعد الدمع وبعد السهد
بقى بيني وبين قلبك فى وعد
إن إنت هتفضل ويايا
ولا يبعد عني وعنك حد
من بعد جدار الحيل م أتهد
والروح هتميل جيت انت تسد
حبك ده ما كنشي غرام عادي
حبك خلالي العمر أتمد
يا أطيب وأغلا وأجمل حد
يا مسك الليل وريحة الورد
حبك سواني على الهادي
ودوبني في بحور الود
ده بحر عينيك في جزر ومد
بروح وياه وأعوم وأتمد
ولما بدوخ و ملقاش شط
اسيب نفسي أموت في الشهد
13/12/2023 الأربعاء
:
#ماجدة_البهيدي
:
ليست هناك تعليقات:
إرسال تعليق