بالعامية المصرية
______
علشانك.....
_________
حلبت ضي القمر
راضع سرسوب حنان
حلمت ب ليل السهر
وغناي والموال
لجل الدفا. .علشانك
رشرشت عين الشمس
غزلتلك توب المعاني
فستان وتاج
مستني أكمل الحلم
حلبت صدر الحلم
خدرني
توهني
ما عرفت ليه رحت
ولا ايه جابني
وداريت الوش ف الكفين
كان طرح الحلم
وسط القلب. .صبار
وخفت.؟!!
خفت من بكرة
شايفة ف عين يومي
دايس على قومي
ورمحت ع السكه
أدور عليَ م القاش
إللي يتوه يروح
وبكرة إن راح ولا جاش
إرضع نهود الصبر
وإتدارى. ..
ف توب الموت
وإستنظر
لحظة. ممات
بقلمي
الناقد
حمدي البوقي
ليست هناك تعليقات:
إرسال تعليق