....... امانه يا بكره.....
امانه يا بكره....
لتيجي بفرحه
تداوي الجراح
وترجع لينا
ذكرى م العمر اللي راح
امانه يا بكره
لتنور ليالي
خاصمها القمر
وترجع لي غايب
طال به السفر
امانه يا بكره
لتيجي بمحبه
وقلوب لبعض صافيه
وتقرب بعيد
تايهه في غربه
وضاعت منه السنين
امانه يا بكره...
لتجني حصادنا
من صبر وجمايل
في أرض الحبايب
وتعدي وتعدل
زمنا اللي مايل
وجاي علينا
موج الهموم
ودابت قلوعنا
في بحور الحياه
وصرخت قلوبنا
بألف آآآه
امانه يا بكره...
لتيجي بحنين
يغطي الانين ومر السنين
وتفرح عيونا
بشمس تنور
الحلم الجميل
امانه يا بكره
لتروي عطشنا
ووردنا اللي جافت
واروحنا اللي ماتت
من ضغط الظروف
وتطمن نبض باقي
محبوس جوه خوف
امانه يا بكره
تنسينا الألم
وتمسح دموعنا
بايادي السلام
وتكتب قصايد
دهبها حروف الكلام
امانه يا بكره
امانه يا بكره
في حاجات كتيره
محرومه اللقا
ممنوع فيها الكلام
نتمنا نعيشها
وصعب علينا
نقابلها في منام
امانه يا بكره
ماتيجي بجراح
وازرع لينا
في أرض نهارك
قراط افراح
وعطر زهورك
بنسيم فواح
امانه يا بكره
... امانه يا بكره......
بقلمي محمد رمضان عبدالسلام
22/9/2024
ليست هناك تعليقات:
إرسال تعليق