عداله إجتماعيه
.........
أنا اللى صاحب الأرض
فليه الغله مش ليه
أنا اللى زارعك قمح
وعروقى بيكى مرويه
أنا اللى حيلى إتهد
بطيبتى لعبوا أنا بيه
ميته الدموع تنشف
وأشبع وإجيوبي ممليه
حقى أنا اللى
مش متشاف
بيتسرق منى
عافيه وعناديه
وأول ما أشتكى
من ظلمهم ليه
يقول عيب تشكى
وبلادنا مبليه
محسوده من يومها
وحاميها حراميه
بقا حقى يتاخد
وأسكت وعنيه معميه
وأرضى بذل وقهر
وعيشه مش هيه
يابلادى طفح الكيل
وناسها منسيه
سنين فى قهر وذل
معدومه منفيه
وحياة سنابلك
دول والزرعه والميه
لو ما إتعدلت
فى يوم فحياتنا منهيه
وإتربعوا وضلوا
وعيشوا وإتهنوا
فا العمر دا لحظه
ففوقوا يكون أحلا
لأحسن ختام القول
ناره ما تستنا
تحرق قلوب وقصور
ونفوس ما تتمنا
غير حربكم ويطول
الكره والأصل والمعنا
فمين نيرانه تطول
ومين يصفا يرضى ويقنعنا
نبقى سواسى الروس
وعداله تملانا وتجمعنا
.......
بقلمى
#شاعرالعرب
هيثم محمد عبدالعال
ليست هناك تعليقات:
إرسال تعليق