* قصيدتي ( نادمانين )
دموعك حبيبي
سبتوني في المكان
علو احساسي كمان
رجعوني للي كان
قد إيه أنا كنت قاسي
على حب عمري ولسه ناسي
إن قلبك ليا كان
غنوه حلوه تقول حنان
حب غالي دار أمان
اكتر شاهد عاللي كان
واللي شفته معاك زمان
لما عيونك كانو شطي
كانو رسمي وكانو خطي
نجوم وسارحه في الليالي
أفراح وطارحه شوق يا غالي
زهور بتطرح تهديهالي
كتير سهرنا في الليالي
وأنت جنبي وأنت عالي
قمر بيضوي في العلالي
نور وسارح في المكان
يقول نصيبي واقول كمان
حبيبي يا اغلي امنياتي
قلبي يا احلي اغنياتي
أنت شوقي وذكرياتي
أنت افراحي واهاتي
كنت حلم في ايدي ضاع
وأصعب مشهد للوداع
كنت نعمه ما بين ايديا
نظره حلوه باصه ليا
ضحكه غنوه ميه ميه
قلب طيب حبه فيا
شيء مؤكد مش خداع
صعب جداً يوم غيابك
قلبي دمع من عذابك
نبضه يصرخ من انينه
يعلي شوقه يقول حنينه
أرجع نور شمع دارك
ابني سوره يبان عمارك
اجني ورده واهدي جارك
حب قلبي وصون دموعه
وانت جنبي تقيد شموعه
نحب نسهر في الليالي
حبيبي والله جميل وغالي
عيونه بحر من الحنين
دموعه والله مأثرين
رجعنا واحنا نادمانين
* انتهت من فضل الله تعالى قصيدتي ( نادمانين ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق