* قصيدتي ( يا رب احفظ مصر )
يا رب احفظ مصر
من كل شرور العصر
يا رب ألطف بينا
وحق طه نبينا
الظلم فاق الحد
والكبر مالهوش حد
أعداءنا طمعو فينا
احلافنا خليو بينا
والغدر سمه العصر
يا رب احفظ مصر
كلامنا كله تقيل
افكار بتعلم جيل
بلادنا ما ليها مثيل
من يومها صوت الحق
والظلم جداره انشق
أعوانه وشوشهم سود
أهدافهم مالها حدود
في الأرض نشوفهم دود
في الجو تقولش بعوض
انيابهم طلق بارود
دول هما لصوص العصر
يا رب احفظ مصر
جيشنا والله حامينا
كمان ومامن سينا
من يومه صاين العهد
من يومه قد القول
لو حد أتجاوز حده
بيلاقي وثبه فهد
ويعاني عضه غول
مدعوم من شعب جميل
متغذي بطمي النيل
متحلي بدعوة جميله
من نسل طه نبينا
يا رب احفظ مصر
إللي جاي شكله مريب
تحشيد بشكل عجيب
شيطان وفارد ريشه
العبان وواكل عيشه
جبان وكاسر سيفه
واقع كلنا بنشوفه
هموم هدفها الكسر
خد بالك يا حاكم مصر
شايفينها نظره عينيك
وحتى شاره ايديك
يا ريس خفف حمولك
للمولي سلم أمورك
في الشده دايما معانا
على طول بيسمع دعانا
يا رب احفظ مصر
* انتهت من فضل الله تعالى قصيدتي ( يا رب احفظ مصر ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق