العاب
سكيت الباب وقفلته
مافيش تاني لقلبي إيلاف
رميت حبك وقتلته
وليه أعشق دا نبضك جاف
ماشفت منه إلا كفاف
دا خلاني من الدنيا أخاف
خلاص راجع لأحلامي
دا لسة الحلم في قلبي كبير
خلاص حابص قدامي
ومش حاقع تاني في البير
عمر قلبك ما كان فيه خرير
دا رمل وطينة وحبة جير
كبير عليكي يا صغيرة
لسة يدوبك طالعلك ناب
كبيرك مشط وضفيرة
عروسة ولعبة من الألعاب
حبك وهم وكان كداب
خلاص أمشي قفلت الباب
يحيى حسين القاهرة
11يونيو 2025
ليست هناك تعليقات:
إرسال تعليق