ق:كل حاجــــة بقت عجيبة
ك:أحمــد عبد الرحمن صالح
▓▓▓▓▓▓▓▓▓▓▓▓▓
◕
◕
◕
كل شـــــــئ حــــــوليا يقلق
حتـــــى نفســى بقت غريبة
أي حــــــــــــد يقُلــى حاجة
مش بـــــــــــــرد بأى عيبة
بمشى واَبعـــــد مش بواجه
قبل ما ادفــــــــــع الضريبة
فى زمــــــــــان سوء الأدب
الاحترام دلوقتـــــــى خيبة
كله دايس فى البجـــــــاحه
بلطجــــــــــة ويقولوا هيبة
الأدب بقــــــــى عملة نادرة
صعب نرعــــــى لحد شيبة
حـــاسس إنى بقيت مشتت
والحيـــــــــاة ضلمة وكئيبة
نفسى أفهم إيــــــه بيحصل
ليه الحيـــاة دى بقت زريبة
ليه بقينــــا فى بعض نجرح
ليه بنفــــــــرح فى المصيبة
لو حاولت فى مــــــره تسئل
تلقــــــــــى كل الناس أديبة
مستحيل تلقـى اللى ينصف
للضعيف ويـــــــــــــرد غيبة
م الغــــــريب إنى إنت تلقى
صدق بيـن أوهــــــام وريبة
كله بيمـــــــــــر فــى حياتنا
والليالــــــــــــى بقت رهيبة
ناس غــــريبة ودنيا جاحدة
كل حاجــــــــــة بقت مريبة
لو فى يـــــوم الدنيا ضحكة
بلقـــــــــى كل الناس حبيبة
لو فى يــوم غــدرت وقلبت
بلقى م العُـــــــــــزال كتيبة
يجرحــوا ويهينـــــــــوا فيا
صعب تلقى فى حـــد طيبة
الزمــــن زمـــــــن العجايب
والنهايـــــــــــــة بقت قريبة
والغباء هـــــــــو اللى سايد
كل حاجــــــــه بقت عجيبة
◆
كلمات:أحمد عبد الرحمن صالح
ليست هناك تعليقات:
إرسال تعليق