عذبت القلم والدفتر
مدري شأشم من شوفتچ
المسك لو العنبر
ومدري إذا اتعود اخافن
تتغير
احب قلبچ الوفي ولونچ
الأصفر
مو كل غيرة تنحسب
لكن بغيرتچ عمري يصغر
تعبت ويا العاشگ سنين
وعذبت القلم والدفتر
والفكر هواي شرد مني
ضل بالحسرات يفتر
آه منك يا وكت شسويت بيه
يصفن عليا الليل محتار ومحير
إذا أكتب شعر من غزل
تصطف البنات بالخصر المدور
حرامات خلص العمر
لا حصلت يابس ولا نبت أخضر
أركض مثل مهموم عمري
أدور اعالولف والولف
ماتعطر
تعال ياشيب أصبغ الشعر
ترا الوقار زين بيه نتمختر
وخلي بنات الوكت تتباهى
بالموزين وتتقشمر
أنا الأكتب ألك وحدك
مو مثل العالم ما تتصور
خلص كل الحجي وياك
اتركني وروح ماريدك تتحضر
ألقلب مايحمل بعد لچمات
وما يحمل جرح تراه مفطر
خليني ويحالتي أگلب بيك
الذكريات واتخيل المنظر
لا صورة تنفع بعد
ولا بالحسابات اتشطر
تعال خلي أحضنك واشم
بيك عشگ محروم لو حن
أمطر
سفير المحبة الدكتور
موسى العقرب
إبن العراق
ليست هناك تعليقات:
إرسال تعليق