...........بصراحه .........
كلمه هاقولها بصراحه
بعزة نفس وسماحه
لصوص كترت وعالساحه
نصوص ادبيه ومباحه
بصراحه
ودا يعلن وتانى يثور
سفير دولي لكن محذور
وده محكم وده دكتور
وكله حرامي ببجاحه
بصراحه
ودي يقول لك اعز واذل
وكل كلامه بذيء و ممل
ويسرق من على جوجل
ويقول دا ترند بوقاحه
بصراحه
وواحد شايفه قدامي
كانه هش وهلامي
وبيقول لك دي اعلامي
اكيد اعلامي في اباحه
بصراحه
اوعى تكون بجد نسيت
بلاش تعمل يا باشا حويط
ابوك فلاح واصله الغيط
وكل كلامه بفصاحه
بصراحه
وده مسؤول كمان امنى
يهدد لو يكلمني
ويسرقني ويحرمني
اقول الحق بصراحه
بصراحه
كلمات
محمد السيد سالم
ليست هناك تعليقات:
إرسال تعليق