* ترتيلة موت *
...................
*شايفوه كما الرهوان......
بيجري ومشتاق لي........
عدى مليون إنسان........
وجاي لي أنا وحدي.......
جاي يضم أخر نفس.......
وتاني ما يرجعشي........
*شامم ريحته من بعيد......
بتفوح جوا المكان...........
أصله ما لوش مواعيد.......
بس مكتوب من زمان.......
يجيني من غير حديت.......
وياخد وديعته كمان.........
*وشايل في إيدة دموع......
بيبدرها علي الأخر...........
تملى الحبايب أهات..........
وما أقدر لحظه أتاخر.........
لفين هأبعد عنه...............
واروح لمين وأعافر............
*خلاص معاه وهامشي.......
ما في قوة هتصده............
ومسلم معاه أمري...........
هو الموت حد يرده ؟!........
دا جاي لحد عندي............
وراجع ماسكني وبيدة........
*وهامشي ولا هأتكلم........
ما هيا دي النهاية.............
نكبر ونفرح ونتألم.............
ونعيش مليون حكاية..........
دي القصه من أولها...........
مكتوبه من البداية.............
الولادة فيها وجودنا...........
بس الموت هو النهاية.........
*ومين فضل عايش...........
ومين قال أنا هنا..............
الكل عاش ومات..............
والحكايه متكررة..............
أصل الدنيا بحالات............
ساعات تفرحنا................
وساعات متشطرة............
علينا بالاحزان................
ومين عليه الدور يا تري.....
#كرم ميخائيل
ليست هناك تعليقات:
إرسال تعليق