((العجب كله في كلامك ))
العجب فيك ياابن أدم
إن طبعك فيه غرابه
فى الحياه مصر لازم
تبحث ع المر وشرابه
للوداد بكلمه تبني
وللخراب مغرم صبابه
بالكلام الجافي يابني
بتعزف مواجع ع الربابه
والحروف الناعمه دايما
تمحي م العين الضبابه
طبب جراحي بالكلام
نبني سوا عش السلام
كلمه تبنيها الحروف
تختلف ويا الظروف
وكلمه منها يصيبني خوف
لما تجرح فى المشاعر
كلمه ترفع من مقامي
كلمه بيها تهد شاني
وكلمه فيها الجرح واعر
لوكلامك لازم لابد
إياك تعيب وتبني سد
تجيب مواجع وتبقا ضد
عالج شروخ بلاش تهد
بحر المحبه محتاج أحبه
لكن بيكره غلظ رد
إخمد سلاحك طبب جراحك
ولو حتى سيفك بمليون حد
إدي إلأمان بألف وعد
أجبر خواطر ومد يد
إمسح دموع كاويتلي خد
هيا كلمه بيها نحيا
وبيها نملى حياتنا صد
والحقيقه خلي كلامك
ضله خفيف ولو بجد
بقلمي نبيل عبد الحليم
14/1/2021
ليست هناك تعليقات:
إرسال تعليق