#ما_اجمل_البدايات
#عايزاني_أكتب_فيكي_شعر ..♡♡
#كأنه #أمر ..
إني أكتب فيكي #شعر ..
طب قوليلي إزاي
راح أكتب وإنتي سحر ..
شعري شاب قبل الآوان ..
وتعرفي إني بحبك من زمان ..
قومي إسألي ...روحي إسألي
حتي #الجيراااااااااااان ..
هيقولولك إنك سنيني ..
وإنك قدرتي تملكيني ..
وإنك لو بعدتي ثانية عني بتوحشيني ..
هيقولولك إني دايب فيكي #عمر ..
طيب فاكرة شكل ضفايرك والفيونكة ..
لما كنتي بمريلة وف طريقك تقومي ضاحكة ..
كنت بحلم ألاقيكي في إيديا ماسكة ..
وإبتسمتي . رحت أجري
ع الدفاتر أملاها #شعر ..
#وكأنه_أمر ..☆♡
إني أكتب فيكي #شعر ..☆♡
طيب فاكرة يوم وهبت عمري ليكي ..
وقولتلك إني بحبك وإني شاريكي ..
إحمر وشك والكسوف باين عليكي ..
ومن سكاتك عرفت إن فراقنا يعني قبر ..
وبعد عشر سنين عايزاني أكتب تاني #شعر .
عايزاني أكتب والدفاتر هدية منك ..
والقلم لما آجي أكتب
مابيكتبش إلا عنك ..
والورق لو كان بينطق
مش هينطق إلا اسمك ..
وعايزاني أكتب تاني #شعر ..
ماتزعليش إنتي #شعر ..
(ⓐⓑⓞ3ⓑⓓⓤⓛⓛⓐⓗ)☜
#محمد_فتحي_الشيمي
