$ كلام .. كتير $
بقلم عماد الأبنودي
**************
مالو الشعر بقى هش
ماقادرش يبوح بالمعاني
و كل كلامه بقا دبش
حتي حروف الغناااوي
يا سارحين تملي بالخيال
البال دلوقتي مهوش خالي
القلب غوا للحب و مال
سهران ويا القمر ليااااالي
مشتاق و الشوق رحال
بالهمس اهو عمال ينادي
جاوبني و قولي يا خال
الحب هنا لساه باقي ...!
ولا زمانه راح و فات
و اللي جاي زمن البلاوي
فقدنا الحيا ونقول موضه
كلو اتجنن تقولشي خاوي
خبر إيه يا خلق مالكم
بقينا نتباهى بالوضع الحالي
و قاموس الهوى صابه الفتور
ولسانه اتعوج ولحاله بيداري
الله يرحم أهل زماااااان
عاشوا الطيبه بقلب غاوي
فاتوا الحب ليهم عنوان
و كلام كتير مالي الحكاوي
،، بقلم ،،
عمااد الأبنودي
22 , 5 ,2024
ليست هناك تعليقات:
إرسال تعليق