لبنان 🇱🇧
**
ضيعتي بوادي بين الجبال
هي الأصالة مجبولة بالجمال
بالغنى... بسحرِ مناخو كونو
الله بمجدو... منحنا الاكتمال
لبناني وطني، بلد العِطر النقي
بالشوح، بالأرز... المثال
بخشب أرزو تْعَمَّرَت أوطان
بقصوروها... تَحَدَّت الأهْوال
منّو بواخر جابت الأكوان
بِتجارةٍ... بوفرةِ الأحمال
بحارة بشطارة... تنقّلوا
حتى بالحرف، علّموا الجهّال
اكتشفوا صناعة الأرجوان
تواب الملوك... بروعة الخيال
قِمَمو بالتلج نصّبت شالها
تعمّمت بالنور... عُمرَ الأجيال
ملفينا توفيق أبو مراد
عضو إتحاد ألكتاب اللبنانين
٢٠٢٥/٦/٥
ليست هناك تعليقات:
إرسال تعليق