قالها السي حسن...
بقلم سعيد ألجدي الادريسي
قالها السي حسن
ايه، صاحب مشروع الكرملين ببوسكورة
راه تشركنا، راه تحقرنا
واخا هكذا، راني صابر
و دايرها في يد الباري
حلمي راه تلاشى
و لكن ربي غادي يعوضني
كيفاش، انا هذي ست سنين
و انا واقف نبني مشروعي
غير بين عشية و ضحاها
يجي الامر من الفوق
و يهدم الساس اديال مشروعي
كون غير حبسوني مللي درت اول سارية
ما يبقى فيا حال يا دلالي
واش هذا معقول يا أصحاب القرار
اعلاش هدمتو لي مشروعي
انا درته غير باش نطور ديرتي
نخدم ناسي و نطور مكاني
و اشنو كان الجزاء اديالي
يعني، هو الهدم النهايي
و تقبار بالكلية مشروعي
راني بالصح دواخلي كلها مجروحة
راني كنغلي كلي
راني دايرها فيد الباري
و بين يدين سلطاني العادل الحاني
قالها السي حسن
أيه، صاحب مشروع الكرملين ببوسكورة
راه تشركنا، راه تحقرنا
لك الله يا السي حسن
الله يعوضك و يرزقك صبر أيوبي
دابا يجيك الفرج
زعمة، من حيث لا تدري
يا السي حسن المرضي
الله يبعد عليك شحناء
أيه، اديال شي بعضين يا ودي.
سعيد ألجدي الادريسي
المملكة المغربية
ليست هناك تعليقات:
إرسال تعليق