...... غيره وهم ......
...
كالعادة... أرجع للبيت .. وتبدأ المشاكل
وأبات من غير عشا . وأحلف ما انا واكل
وأحط أيدي ع خدي
والنكد ياخد فرصته.. والحزن يتملك
وتبدأ الحكايه.قال وقولت ومين قلك
وقول في نفسي
بكره هتهدى ام العيال وترجع لعقلها
وكل ما اتعصب.. القلب يحن يشفقلها
وقول في نفسي
دي مهما كانت زوجتك أم عيالك
ودي نقاوة عينك محدش أخترهالك
وكل لما أهدى
تقولي
رد عليا. انت بتعرف واحده غيري
انت خاين انت كداب انت ناكر خيري
أضحك من غولبي
وقول ربنا يهديكي يابنت الحلال
ويشفيكي من مرض الغيرة القتال
تقول وهي بتبكي
طيب ليه تليفونك طول النهار مقفول
اياك تقولي الشبكة ضعيفه على طول
أضحك من غولبي تاني
وقول لا ياحبيبتي مش الشبكة ضعيفه
تليفوني كان فاصل شحن والنعمة الشريفة
تصرخ وتقول
انتا عايز تجنني. مش هي دي الحقيقة
وتقوم الخناقه تاني والبيت يولع حريقه
اقول كفاية
دي بقت عيشه تزهق. ايه اللي يرضيكي
اسيبلك البيت وأمشي. بطلي الشك اللي فيكي
تقولي اهو
مش طايق كلامي.ولا حتى طايقني
خلاص لو مش مريحاك خلصني طلقني
امسك ايدها وقولها
ياحبيبتي
انتي ظلماني وكل تفكيرك اوهام
وبكره هتعرفي قيمتي. سيبيني اتخمد وأنام
برضه ترجع تبكي
تقول احلفلي انك بتحبني وغيري مش شايف
قولتلها طاب وانا عميت.ههههه بطلي كلامك الهايف
افكر اعدي الليلة
اطبطب عليها واخدها في حضني كأنها طفل
وقولها بحبك بحبك بحبك ريحي مخك القفل 🔒
صدقيني
الراجل لما يحب بجد. بتبقى زوجته ملكاه
بتبقى هي روحه اللي عايش بيها والحياة
صدقيني
وكفاية يابنت الناس حيره وعذاب
كفاية تتلقيني بالهموم من ع الباب
صدقيني
ببقى جاي من الشغل مرهق وتعبان
عايز ارجع ليكي الاقي حضنك حنان
صدقيني
انت بأديكي تخلي بيتك جنه وأفراح
لو وثقتي ان زوجك بحبك مرتاح
صدقيني
النكد خراب. عمره ما يبني بيوت
وكل شئ جميل بالحزن اكيد بيموت
حافظي على بيتك وعيالك
وربنا يصلح حالنا وحالك
...
بقلمي / السيد محمدالدالي
