يا ذاك ابنادم
بقلم سعيد.ألجدي الادريسي
يا ذاك ابنادم فيق
أيه، انت يا ذاك السفيق
اليوم، زعمة، راك في سعة
و غدوة راك في ضيق
اليوم راك تتبندر على وجه الأرض
ضربها بركلة خسيس حقيق
غدوة، راك تردم في حفرة
أيه، اما حفرة من حفر جهنم
و ل روضة من رياض الجنان طليق
تتنعم فيه تحت رعاية الرحمان
راك انت هكذا ابنادم عثيق
يلاه، كون معانا لبيق
كون معنا بالخير أثنى صديق
كون مع المعوز خير دليل
كون معاه في سفر الدنيا احسن رفيق
واش فهمتني يا ذاك ابنادم
راني نخاف عليك يوم الحساب اللي ما فيه نعيق
ما فيه غير نفسي نفسي
ما فيه و الله، نهيق و لا نقيق
كون مع الله تكون سبع
صل على اللي يشفع فيك يا ذاك العبد الزنديق
الا رفضت شوف كيفاش و فين تنعس
راك في لخيار بين راحة البرزخ او الغريق.
سعيد ألجدي الادريسي
المملكة المغربية
ليست هناك تعليقات:
إرسال تعليق