(وأااااه ياأااااه)
وأااااه يا أاااه وكلمة اه بتوجعنى
وصوتى بيها كان عالي
ومين لوجعها يسمعني
داب خلاص انا حالي
ومن شدتها سال دمعي
ومطرت طروف شالي
ومين يواسيني لما أنعي
ومين يبكي لموالي
ألمك يا أه بيوجعني
عشان جابك حبيب غالي
وهبته كل ماعندي
وبنار الغدر كواني
إبن كبر وعلمني
أعيد الحسبه من تاني
وأخ جاحد وشيبني
وكل الهم كان مالي
وجار تملي عايبني
بالغيبه قطع أوصالي
وطبع الزوجة غلبني
بعد الشوق ما أضناني
وبياض اللون بقى بني
من فعل كل خلاني
واللوم يصير لمين مني
تعالى قولي يا زماني
خرفت خلاص كبر سني
ولا العويل بقى غالي
عن إلأصول كلمني
يمكن تشفي أحوالي
أنا أصلاً قديم يابني
رضعت أصول أجدادى
وتقريبا دا خاب ظني
وبينكم طباعي عيباني
بقول الأه لأن الأه وجعاني
بقول الأه ومين قالها بقى عايب
أشكيك لمين يازمن
وأشكي فعلك العايب
لبست ثوب قماش
طلع القماش دايب
وصاحب صاحبته بعشم
طلع العشم خايب
حب الوداد وزرعت
وفى إلأخر مليش نايب
يجازيك الله يازمن
سهم المعارف صايب
واللي يداوي راح
ومنين أجيب غايب
بقلمي نبيل عبد الحليم
٣/١١/٢٠٢٠
ليست هناك تعليقات:
إرسال تعليق