(ثمار الحب الحديث)
إنت عارف إنت يالي
فى هواك الشوق قتلني
كنت خايفة أبوح بسري
كتمت حبى شربت مري
قلت أصبر يمكن لعلي
أجارى شوقي وأخبي أمري
لكن عيونى كانت تملي
باين عليها حالي وأمري
عانيت كتير مسكت جمري
كنت حاسة إنه تمري
قاومت نفسي لأنى خايفه
لحال اللي قبلى كنت شايفه
خداع وغدر كنت عارفة
كل القلوب للحب حايفه
والنوايا معتش صافيه
كلمة بحبك كلمه ذايفه
فين المشاعر فين دفاها
حرب دايرة لنيل رضاها
ولما ناله كشف عراها
كل همه كان لقاها
ينول مراد يكسر علاها
يبيع ضمير ويبيع غلاها
والفخر ليه إنه أذاها
بعد ماكان فجرها وكان ضحاها
هدم أمال عندها بإيده بناها
للأمال بالخداع فى يوم طحاها
مافيش ضمير والنفوس باعت تقاها
نال حبها وللمرار بإيده سقاها
ونار الخداع لوحدها نالت لظاها
عشان جنابه بالنفاق أصلاً عماها
عشان كدا كتمت سري
ولربي وحده فوضت أمري
يسوق نصيبى لحد عندى
وتقايا وصلاتى يكونوا جندى
ونصيبى لما يجي أديله عمرى
أنول سعادتى والسعادة فى رضاك يا ربى
بقلمي
نبيل عبد الحليم
١/١١/٢٠٢٠
ليست هناك تعليقات:
إرسال تعليق