قصيدة/انتهى الدرس يا غبى
بقلمي/نيفار أحمد عبد الرحمن
كنت فاكر إني ساذجة
واحده راميه نفسها
راح تصدق أي كلمة
منك انت قلتها
ياما كان في حياتي قبلك
ناس كتير وكشفتها
سيبتها يعتقدوا اني
خايبه عايشه في وهما
تايهة بين قرارات مصيرها
والتفاهة تليق ليها
كل واحد خد جزاءه
من اللي سخروا منها
أما انت كنت حالة
قلت اجرب قربها
يمكن اقدر احس بيها
ولا قلبي يحسها
وابتديت ارسم لبكرا
كل حاجه بحبها
بس يخسارة عرفتك
من مواقف عشتها
كلها كانت في خيبتك
في الخيانة وغدرها
وقتها قلبي انتبهلك
حتي روحي كرهتها
إنها خلتني احبك
دمرتني بجهلها
لما واجه قلبي عقلي
انكشفت في وقتها
كان ضروري أسمع لعقلي
والمكيدة الجئلها
ايوا انا اللي شغلت قلبك
لما دبت في عشقها
خلتك خاتم في ايدها
اللي ياما رفضتها
لما كانت واحده خايبه
قلبها بيذلها
الامل ساكن في عينها
اللي كرهت دمعها
والحنان كان دافي منها
لما عشت في حضنها
اديتك حب ومشاعر
وانت سافل خنتها
بس انا اتغيرت لجلك
كل حاجه هردها
الاهانة والغباوة
اللي منك شفتها
والبجاحة والبكاسة
صعب اقرب منها
مستواية مش هينزل
للحثالة وشغلها
انتهي الدرس وخلصنا
ولكرامتي أنا صنتها
بقلمي/نيفار أحمد عبد الرحمن
ليست هناك تعليقات:
إرسال تعليق