((نِّفس مثل المّاي))
تدري الله انطاك صوت
يشيل الهمّ كلّما أسمعه
عاد لو شفتك وأنت تتبسم
لا تتعجب لو كلشي أنسه
الله الميزك بوجهٍ چنّة الگمر
ووجهك من الگمر أضوه
نِفس مثل الماي لو فارگ السمچة
هذا اني بفرگاك حتى النِفس أگطعه
گلبي يشيط لو عني تغيب
وحسبات حتى لفكري تشله
انت واحد وبعيني كل الناس
ومن تزعل تصير بگلبي نشغه
أشوفك هلال وبسماي عيد
مثل الطفل من يلمح أمه
بقلم الشاعر العراقي
حيدر محمد الجبوري
بتأريخ ٢٩ / ٧ / ٢٠٢٥
ليست هناك تعليقات:
إرسال تعليق