صاحيين.نايميين.بنحلم بالسعادة.
وكل واحد شايف.انه هو الأفضل.
بنخسر بعض بسهوله.
دايما مشاعرنا مقتوله.
غرورنا عضلاته مفتوله.
ولو ماتت الطيبة يا ترى ايه هيفضل.
..
نهرب من وجع لوجع.
وتتوه ضحكتنا.
لا عارفين نبين الابتسامة.
ولا نخبي دمعتنا.
ونقابل ناس تجبر بخاطرنا.
وناس تانيه تكسر فينا.
وناس تعلي وتكبرنا.
وناس دايما حاقدة علينا.
..
والحنان في القلوب عايش.
بس مين اللي بيبينوا.
غير قلب نقي وجميل.
الخير بإبتسامه يقدموا.
..
وهي حياة وعمر رايح.
ومين منا هيخلد فيها.
السيرة اطول من عمرنا.
بس الناس ايه يرضيها.
..
بقلمي الشاعر/السيد محمد الدالي
