أحلام عاشق
=====
خايف أكون أنا العاشق بلا أحلام بلا ندمان
وأملىء الكون سراب كاذب من الأوهام والأحزان
وأنت ياأملي مش دارى بشوق قلبي غرام وحنان
كل رمش من عينك بيجرحنى كأنه سهام من النيران
امتى بس حتحني ونتلاقى في اي زمان
ساعتها حشوف الكون زاهر والورود الوان
جايز اكون أنا بحلم وماشي في سكه التوهان
قوليلي اكمل المشوار ولا دى سكه النسيان
وانا عمري ياعمري في حبك مش حكون ندمان
حعيش في الحلم واملي نتلاقى في اي مكان
حتوه من نظرة عنيكي وانسى اسمي والعنوان
بس انتي رقي وجوبيني وبادليني ده انا انسان
بقلمى - مصطفى عبد النبى
ليست هناك تعليقات:
إرسال تعليق