(((بين الأماني والتمني )))
في البعاد الشوق كواني
نفسي أشوفك لو ثواني
م الألم حضنك دواني
وفي البعاد فينه حناني
وغيرك ما فارق معايا
بين ايديك كان هنايا
قربك أنت كان غنايا
وتم في البعاد عنايا
فراق وصار معاه عمايا
نفسي في نظرة من عنيك
نفسي أتوسد إيديك
نفسي أبوس مرة إيديك
نفسي ساعة تحاكيني
تطفي شوقي وتروي عيني
تعالى وأسمع الحكاية
قطع الدمع الوسادة
ياللي حبك كان عبادة
والفراق ليا إبادة
أنت عارف ليه إبادة
كنت سندي وكنت ظهري
كنت سري وكنت جهري
كنت الضحكه كنت فرحي
حبك فريضة وكنت طهري
م الشرور كنت حاميني
بأي شيء كنت تراضيني
كنت قايد شمع داري
ياريت في حبك كنت باري
كنت أب وكنت جار
بعد الرحيل كاسي مرار
عسايا كنت إبن بار
الموت علينا حكم وقرار
وحكم ربك بالفناء
وقلوبنا راضية بالقضاء
وكل حيلتي لك دعاء
ربي إرحمهما كما ربياني صغيرا
وأجعل جنة الخلد لهما سبيلا
بقلمي
نبيل عبد الحليم
2/12/2020
ليست هناك تعليقات:
إرسال تعليق