( ؛ ؛ ؛ بحلم بفجر ؛ ؛ ؛ )
بحلم بفجر ولُه نهار
من غير مشارب أو شعار
بحلم بعزم وفيه شرار
يلغِي الحدود وكُلُه نار
شاقق طريقُه باختصار
حالف ليمحِي الإنكسار
عازم لَيِرجَع بأسِنا
ويعود لنا تاني النهار
يمسح وجوه اللي الألم
علّم وخَطّطّ
فوق جبينهم بالحزّن
يمسح وجوه اللي القلم
رسم مصيرهم بالشجن
ماهي تِركه باقيه من زمن
وأمته نهدم دا الزمن
بحلم بليلك يا وطن
ونجوم تغني فى السهر
مش كُره يضربنا بشُهب
أو عِرق يدبحنا بسبب بحلم بغيمك والمطر
من المحيط حتى قطر
ومن عمان حتى اليمن
ولسه فيه جُزر القمر
بحلم بخيرك يا وطن
يروي الصحاري والمُدُن
ولا يشكوا تاني من عدم
بحلم بكلمه تضمنا
تبني وتبني اللي انهدم
لو قالها واحد من هنا
نرضى بصداها كلنا
بحلم يروح منا الوجع
لا فيه تشتُت أو نِحل
ولا توجُه مُصطنع
بَقُول وآمن من محن
بعّبُر واعدي فى البلاد
لا تذكره غير ( الكتاب )
أو حلم دونه ألف باب
من غير سفر ولا اغتراب
بحلم بصحوه للْشباب
مش إمعهْ بديل الركاب
يعرف تُراثُه م السراب
بحلم بواحد مننا
ومش غريب عن فجرنا
أو من دخيل احتلنا
بحلم ياريتُه حلمنا
يسطع فى يوم ويبان لنا
ويقولنا أناْ وعي كان غايب هنا
........ ..... .... ... .. .
أحمد الصاوي مصر ٦ / ٥ / ٢٠٢٠
