أحلام عاشق
=====
خايف اكون أنا العاشق بلا احلام بلا ندمان
واملى الكون سراب كاذب من الاوهام والاحزان
وانت ياأملي مش داري بشوق قلبى غرام وحنان
كل رمش من عينك بيجرحني كأنه سهام من النيران
امتى بس حتحني ونتلاقى في أي زمان
ساعتها حشوف الكون زاهر والورود ألوان
جايز اكون انا بحلم وماشى فى سكة التوهان
قوليلى اكمل المشوار ولا دي سكة النسيان
وأنا عمرى ياعمرى فى حبك مش حكون ندمان
حعيش فى الحلم واملى نتلاقى في اي مكان
حتوه من نظرة عنيكى وانسى اسمى والعنوان
بس انتى رقى وجوبينى وبادلينى ده أنا انسان
بقلمى - مصطفى عبد النبى
ليست هناك تعليقات:
إرسال تعليق