قصيدة شعبية بعنوان{{بَعْدِ سٰنينْ.. اتْلاقَيْنا}} بقلم الشاعر السوري القدير الأستاذ {{جمال خضور}}

قطفةشعر.. من(زورق الليل) 

(بَعْدِ سٰنينْ.. اتْلاقَيْنا) 

مَرِّتْ سْنينْ.. 

وكْتيرْ ياهالدّني.. 

اكْبِرْنا..

ولاحْسَبْنا يومْ… 

نِتْلاقىٰ.. 

وآهْ ياسْنينْ الوَلْدَني/ة..

شوحِلْوة.. 

وحَرَّاقا.. 

صِدْفِةْ عَ هاكْ الطَّريقْ.. 

نِمْشي.. 

والرّْوحْ.. 

للذِّكْرىٰ سَرَّاقا.. 

اتْلاقَيْنا عَ الرَْصيفْ.. 

انْشَلِّتْ الخِطْوة.. 

وتْسَمَّرِتْ لِعْيونْ..

كيفْ ؟.. 

لاتِسْألونا كِيفْ.. 

رجْفة بَردْ صابتنا.. 

ولافي بَرِدْ.. 

تَمّْوزْ ياهاالشَّهِرْ.. 

وغْرابْ عَنْ كانونْ.. 

مَرْقِتْ عْلَيْنا.. 

صورةْ عِشقْ.. 

فْراشاتْ.. 

عْصافيرْ.. 

ورودْ الجِّردْ.. 

حْروفْ الحَكي.. 

والآهاتْ.. 

ودَمْعاتْ يتْسابَقوا..

وخْيالاتْ.. 

عيونْ يحْرقْها..

البِِكيْ.. 

سْنينْ الفُرْقَة..

ونحْنا نِشْتِكي.. 

اتْخَرْسَنِتْ لِحْروفْ.. 

عَ شّفافْ.. 

دابِتِ الكِلْماتْ..

وضاعْ مِنّْا الحَكي.. 

حكاية عشِقْ.. 

مْخبّْاية.. 

ومتْلَكْ ياهوىٰ.. 

مِينْ شافْ.. 

اكْبرْنا 

وعِشْقْ الوَلْدَني/ة..

بَعْدو صَبي.. 

يتْمَرْجَحْ عَ كْتافْ.. 

خيطانْ الحلمْ.. 

بْصابيعوا.. مَعْقودة.. 

وجرارْ.. 

فيها الحكي.. 

منْ سْنينْ.. 

     سوريا/جمال خضور