قصيدة غنائية شعبية تحت عنوان {{بتقول و تعيد لمين}} بقلم الشاعر المصري القدير الأستاذ{{محمد البريمى}}

شعر غنائى ..

(( بتقول و تعيد لمين ))

بتقول و تعيد لمين .. م تدارى على حبنا ..

بدل م تشكى لده و ده .. تعالى نداوى بإيدنا جرحنا ..

إيه هينوبك غير اللوم .. لو تتكلم كل يوم ..

و الناس من وراك تلوم .. و تبوح بسرنا ..

       بتقول و تعيد لمين ..

الناس المغرمين .. م يبحوش بسرهم ..

دول مهما إتعذبوا .. بيداروا على جرحهم ..

إيه الفايده إنك تقول و تعيد .. و تخلى الفكر يروح لبعيد ..

و تضيع حب سنين بالإيد .. و ترجع تندم منهم ..

        بتقول و تعيد لمين ..

بتقول و تعيد لمين .. هو أنا يعنى مش حبيبك ..

و أقرب الناس إليك .. و عمرى م أفكر أسببك .

على إيه بتكبر الموضوع .. دا  مش مستهله بكا و دموع .. 

رايح تشكى و تقول مخدوع .. علشان تهرب من نصيبك ..

        بتقول و تعيد لمين ..

بقلم الشاعر الغنائى ..

محمد البريمى ..