اهداء الى شعب فلسطين
قلوبنا معكم
اشهد يا عالم
اشهد يا عالم ودون
دبابة قدام حجر
وبدم القهر اكتب ولون
ان الضمير الحى انتحر
والظلم فاق كل تصور
لما الرصاص ف الراس انفجر
يا اسرائيل انا هارمى الحجر
مهما كان جنودك تتر
مهما كان رصاصك مطر
حتى لو سلاحى حجر
هايجى يوم وانتصر
ويطير الحمام
بغصن السلام
على القدس حر منتصر
مهما سال دم الرجال
مهما حرقت ألوف الشجر
ولو الف طفل مات
ورصاصك بيهم غدر
فى بلادى الامهات
هاتولد مليون قمر
فى بلادى الامهات
حالفة تفضل تزغرد
لعريس باركه القدر
ومهما ظلامك فينا طال
أملنا يوم يرضى القدر
بقلم محمود صلاح
ليست هناك تعليقات:
إرسال تعليق