هو حلم
لما شوفته حسيت بذنوبي
تكنش توبه..والله عيبه
بحلم عادي احس عيوبي
وتنام تحلم
تحس بروحك رايحه منك
ماهو غصب عنك
تروح في توهه
ولما تيجي تحس مرايتك
تحس فيها بصورة تانيه
تكنش ياواد دي نهايتك
احلم وانسي
وأرجع احلم
اوعي تحاول تشرح حلمك
او يتكسر
عمر الاحلام ماليها قانون
ولا حتي بتتفسر
هو البحر هيفضل صافي
مرة تحن......مرة تجافي
لازم مرة البحر معكر
اوعاك تحلم وتقول حلمك
هو بعد ماتقوم من نومك
فيهااحلام ممكن تتصور
فيها ذنوب...مليان ذنوب
ماهي تركيبة البني ادمين
أساسها عيوب
هو الخالق..هو الرازق
هو القادر الغالب ديما
وانت ياصاحبي
ضعيف قدامه
انت يادوب انسان مغلوب
احمدعبدالحق
ليست هناك تعليقات:
إرسال تعليق