لا ونبي
بقلم ماجدة البهيدي
***************
والله صحيح
ضحكتني
لساك تقول
بتحبني
لسة عينيك
مشتاقة ليا
صدق كلامك
هزني
ومستني
مني إني
أجي وحنيلك
لا ونبي
وانسى الألم
وأنسى القاسية
مبقاش وجودك مطلبي
فاكرني أيه
لسه غبية
هتيجي تاني
بكلمتين
تضحك عليا
معلومة ليك
أنا عمري تاني
ما هبقى ليك
لو حتى تبكي
بدل دموع العين
دي دم
لا عمر تاني
أنا ههتم
ياما أشتريتك
وانت عادي بعتني
داويت جراحك
وانت جيت وجرحتني
وجاي تاني ومشتاق قوي
طب كنت فين
لما لوحدي سبتني
بسهر ليالي بالساعات
وعايشة إللي جاي ذكريات
ووجع الفراق بيهدني
21/11/2023 الثلاثاء
:
#ماجدة_البهيدي
:
ليست هناك تعليقات:
إرسال تعليق