★يا زريف الطّول★
******************************
يا زريف الطّول راجع على فلسطين
إشتقنا لكروم العنب والتّين
بنحلف باللّه وبنقسم يمين
الرّجعة أكيد ة ع بلاد الهناااااااااااااااا
********************************
يازريف الطّول رايح على الخليل
فيها خليل الله إبراهيم الخليل
يا محلى التّفاح وعنب الخليل
يا أرض الحَرَم بغنيلك أناااااااااااااااا
*********************************
يا زريف الطّول والمسرى ياحزين
يادرة الكون يا قلب فلسطين
والأقصى نادى وينك صلاح الدين
والقيامة تصرخ وين راحوا إحبابناااااااااا
*************************************
يا زريف الطًول على سهل يافا
بيارات البرتقال وليمون جوافا
ونابلس جبل النارحلويات وكنافا
وبيت لحم مهد مسيحناااااااااااااااا
************************************
يازريف الطّول ومريم البتول
يامحلى الناصرة ومريم البتول
والجليل وحيفا إشتاقوا للبتول
عكا واللد من أصول بلادناااااااااااا
*************************************
يا زريف الطّول على غزة الصّمود
فيها الجبابرة والعزة والصمود
رايات النصر زغردلو البارود
من الناقورة حتى رفح حدودنااااااااااا
*************************************
يازريف الطول يا بطيخ جنين
يامحلى موز أريحا والحنين
وقمح طوباس على مر السنين
وجمالك حيفا أحلى عروسنااااااااااااا
**************************************
يازريف الطّول ما أحلى الفلسطنية
جمالها خلاب رقة وحنية
معاها في الصمود شهادة فخرية
أنجبت نشاما من خيرة أبطالناااااااااااااا
***************************************
يازريف الطّول شرق ع العراق
بلدالرّافدين والخصيب العراق
ربي يحميك يا أغلى عراق
يا رمز الكرامة يا نور عيوننااااااااااا
***************************************
يا زريف الطّول شمل ّعلى الشّام
فيها طرطوس وحلب درة الشّام
واللاذقية وحمص ودمشق تاج الشام
ما بنسى دير الزور وحورانناااااااااااااااا
**************************************
يا زريف الطّول ما أجمل السّوريات
جمالهن يوخذ العقل السّوريات
يارب تحفظ السوريين والسوريات
هذول غوالي أعز حبابناااااااااااااا
***************************************
يا زريف الطول على اليمن السعيد
بلاد الخيرات والكرم أكيد
والقهوة العدنية مشروب مفيد
يارب تحفظ أليمن إخواننااااااااااااااا
****************************************
يازريف الطول وليبيا الحبيبة
شو صار في الدّنيا العجيبة
اللي بصير فيها مصيبة
يارب تنقذهم تاج روسنااااااااااااااااااا
****************************************
يازريف الطّول رايح على بيروت
يا جميلة العواصم يا بيروت
حسدوك العُذال يابيروت
ربي يحمي أَرْز لبناننااااااااااااااااااااا
*****************************************
يازريف الطول وطنا يا الحبيب
من المحط للخليج وطنا الحبيب
يارب توحد وطنا الحبيب
وترجع السّعادة لكل بلادناااااااااااااا
*******************************************
موسى البرغوثي
فلسطين★رام الله ★
