ايام وعلينا تمر
تك تك ثواني دقائق ساعات وأيام علينا تمر
حزين فرحان حبيس أو حر أيام وعلينا تمر
خاين جارح أو مجروح شايل هم بيك من غيرك الأيام هاتمر
داوي جرحك خطي الآمك حقق حلمك إبني مجدك الأيام بتمر
فات من عمرك كتير واللي جاي عايشه أسير بردو الأيام هاتمر
غدرت وأتغدر بيك عمر الضعف ما يعلليك والأيام بتمر
جمد قلبك شغل عقلك أحيي أملك أسبق جيلك دي الأيام بتمر
بنيت عاليت وغيرك هد عُمر الكون ما وقف علي حد والأيام بتمر
عايش وحدك أو ويا حبيب بين أهلك أو حتي غريب والأيام هاتمر
يالي نسيت ماضيك بُكرة الزمان يطويك والأيام تمر
سامح اللي ظلمك أعلا بعلمك علي علَمك والأيام تمر
أزرع شجرا عمر صحرا حرر أسري تعيش الذكري نفتكرك لما الأيام تمر
حسن سعيد إبراهيم
ايكادلي
ليست هناك تعليقات:
إرسال تعليق