قالو عنك بنت مغروره وايه السبب
تكونش رنة خلخالك بتعزف طرب
وجمال سمارك لعقولهم كمان سلب
وجمال خطوتك سبحان من وهب
عليك ابتسامه ورنتها ليها العجب
وجمال عيونك عسلي بلون الدهب
سايق جمال وخيول اللي ليك طلب
شايله همومك تحت ايدك ف جره
عايشه عمرك تحلمي بفرحه و مسره
أحلامك بسيطه للعالم ما كنتي مُضره
قلبك يحتوي الكل واسع زي مَجره
ابيض زي الفل والسواد ساكن بره
دلالك وجمالك ولا كمان خفة دمك
براويز حوالين صورتك مخبيه همك
يدلل أبوكِ و يطلبوكِ بود من عمك
العود مرسوم من الصغر شبه أمك
بنت اصل ونسب مين يقدر يزمك
مايعيبك الفقر والحوجه ماتهمك
لا اتحنت راسك ولا بيعتي يوم لحمك
حسن سعيد ابراهيم
#أيكادولي
ليست هناك تعليقات:
إرسال تعليق