#هدهدة حلم........!!
شح صوت المحبة وانا ما شحيت
شلت عمري غفل ولعمرك أنطيت
جومت الفرح مرات الك بالباب
دثرتك دفو وبروحي غطيت
يا طير الكطه الجافل يلمه الخوف
هذا أنا برك تاناك لك ما حطيت
حطبت الكلب فاسك يزبر الروح
ما هزني الوجع مرة ولا فزيت
ضيعنا الوكت بالك تتيه الباب
تانيتك عمر للباب ما دكيت
أدري أنا المحنة البيك فيض الماي
خلص فيض المحنة البيك لو مليت
شربكني الغزل راس الشليلة الراح
لا مغزل غزل لا بالسدة سديت
عاتبت الكلب كلش قسيت عليه
لو أنت السبب لو أني ما ربيت
يا حصبة طفل وي الضلوع تنام
يا مرود كحل للعين من ناغيت
بس كافي الزعل خل أرد بيك أردود
من أول زغرنة أشلون من حبيت
ليست هناك تعليقات:
إرسال تعليق