( فيها إيه لو تِدي كِلمه )
( كُونها حتى بَردَه تِلمه )
تِحيي ميت فيكِ هايم
فجره وضهره وليله دايم
يعني في حياته مفارق
وانتِ في حياتك لا فارق
مين يعيش أو مين يموت
( المهم ان انتِ سالمه )
_________________
( سالمه أيوه عايشه لا )
( لأن في الحب الحياه )
وانتِ لا من حي تِسعه
إنتِ وحدك حيه تِسعى
تِسعى للي بعيد محرس
واما يقْرب فيه تقرص
وتِهوى لما السّـِم يجري
( في عروقه تسمع ألف آه )
_________________
( لحد إمتى هتبقي أفعى )
( ودايمه راسك بالعالي رفعه )
وعِنيكِ فيها الغدر مالي
للي حبك واللي خالي
الكل علشانك وسايب
من قرايب من حبايب
وجه وقالك عمري دافع
( كنتِلو ليه باللسع دفعه )
_________________
( أقولك ايه الله يجازيك )
( وزي ما هديتي يهاديك )
بشئ شبيهك زي عقرب
أعمى عينه وفيكِ يقرب
ولما يعرف فين وجودك
يفضي سمه بكل عودك
من النوع اللي ماشيه بيه
( ويكون النوع دا مش فيكِ )
_________________
أسرار مطوية
بقلمي
محمد سيد أحمد
ليست هناك تعليقات:
إرسال تعليق