(🥀نسيت🥀)
نسيت نسيت نسيت نسيت
وماعدش ينفع تقول ياريت
خلاص خلاص شمع ليالينا إنطفى
وكل شيئ حلو ف حياتنا إختفى
عشان هواك كان م البدايه بدون وفا
وانا إللى ليك بكل إخلاص احتويت
نسيت نسيت نسيت
🌹🌹🌹
ماكان هوايّا زمان فى ايدك
وكنت أول ما تمنيت
ليه قتلت فَرحة قلب حَبك
وخدعتنى وانا ليك وفيت
نسيت نسيت
🌹🌹🌹
ماتفكرنيش انا قلبى ارتاح
ماتعيشنيش تانى فى الجراح
لاتبكى ولاتطلب سماح
دانا ياما من غدرك قسيت
نسيت نسيت
🌹🌹🌹
خلاص بقالى حبيب تانى
بيصون هوايّا واصون هواه
بصدق من قلبه هوانى
عايش حقيقى الحب معاه
لا هاخونه فى يوم ولا هيخونى
لا هبيعه فى يوم ولا هيبعنى
أنا بالأمان وياه حسيت
نسيت نسيت
🌹🌹🌹
نصيحه منى هاقولهالك
حب بضمير تانى ماتخونشى
غدر الهوى لو يوم جالك
قوله بعيد عنك يمشى
اتعلم من اللى حصَلّى معاك
وإفتح بيبان قلبك لهواك
هتلاقى مين يتمنى رضاك
خلاص انتهى مشوارى معاك
بلاش من تانى تقولى ياريت
نسيت نسيت
***
كلمات
شاعرالإحساس
رضا عبد الحميد
ليست هناك تعليقات:
إرسال تعليق