أغنية
👈(فَكر)👉
فكر فكر
قبل ما تقسى وتبعد عنى
فكر
***
أنا حبيتك
حب مالهش أى حدود
علشان حبك
عديت كل طريق مسدود
حتى البعد
مالهش فى قلبى أى وجود
يهون عليك
من بَعد ده كله تبعد عنى
فكر فكر
***
إسأل قمر الليل
هيقولك ع اللى فى قلبى
أنا مش قادر
أبص عليك ولا اخبى
يمكن تانى
تِحن ليّا وتفضل جنبى
وقلبى يرجع
ينسى الحزن وتانى يغنى
فكر فكر
***
قبل ماتبعد
فكر فيّا ياروحى شويه
شوف من بعدك
راح يِملا الدنيادى عليّا
دانا ماقدرش
أشوف هوى غيرك يوم بعنيّا
دانتا روحى
وأسأل قلبى بلاش تسألنى
فكر فكر
▪︎▪︎▪︎
✍كلمات✍
شاعرالإحساس
رضاعبدالحميد
ليست هناك تعليقات:
إرسال تعليق