وكانك كنت وهم
وكانك كابوس ازعجني
اقصاك طيف وحلم
ياريتك حتي ماكنت
شهدك كان كله سم
------------------
عارفه إبليس عشانك
تاب وأعلن اعتزاله
والحقد والخيانة
خلاص إبليس ده جنبك
خلاص سابلك مكانه
حتي دموعك زمان
فاكره دموعك زمان
خلص مبقاش اوانه
والحنين و الاشتياق
التلاقي والله مفارق
طعمه طعم الافتراق
والمودة والمحبة
قسوتك كانت برقه
قهوتك والله مرة
ما انت لو دقتيها مرة
صحيح ما انت كنت في جرة
دلوقتي بقيت بره
وعشان بقيت ماسخه
لامؤاخذه وبقيت ....
بعلنها
وأنت حره
هي دخلت حياتي
وأنت طلعت بره
هي صارت يقيني
والحلم اللي احتواني
والنور اللي ماليني
وحروفي اللي كانت
بتترسم
بحنان عشانك
دلوقتي حروفي ليها
وأنت واقفه مكانك
خليك واقفه عندك
أخرة كدبك وعندك
مبقاش في شيء فاضلك
غير أنك كنت وهم
وكتير كمان عليك
أنك في يوم حلمتك
وأنك كنت حلم
احمدعبدالحق
مصر
5/11/2019
ليست هناك تعليقات:
إرسال تعليق