قصيدة شعبية بعنوان {{عيونا الحلوينْ سَرقتنا}} بقلم الشاعر السوري القدير الاستاذ {{جمال خضور}}

قطفةشعر.. من (زورق الليل) 

عيونا الحلوينْ سَرقتنا… 

عيونا. الحلوين… 

جينا عَ الدنيا .. يادنيا.. 

 ومانّْا عارفينْ.. 

وعَ حدودْ الغيمْ أخدتنا.. 

راحتْ لَ بعيد وتركتنا… 

عيونا الحلوين جرحتنا.. 

عيونا الحلوين..

 و ياقلبي..اتْهَدّا ياقلبي.. 

وخَلّيك بْ حالْ.. 

مافيهابكرىٰ بتخبْي.. 

صوتْ الموّالْ.. 

وحياتكْ رَحْ يكويها.. 

تسهر تَ النوم يجافيها.. 

ورَحْ تبكي كتير.. 

إي والله.. 

عيونا الحلوين.. 

وياما قلوبْ عَم تشكي… 

وتقولْ الآهْ.. 

نشفوا دمعاتا وهي تبكي.. 

وضلِّتْ هالآهْ.. 

وياآهْ العاشقْ شوصعبة.. 

بتشوفْ  الدنيا مكتئبة.. 

ولابترجعلاهاك الضحكة.. 

إلّا من عيون الحلوة.. 

ودبحتنا.. والله دبحتنا.. 

دَبَحتنا عيونا الحلوينْ… 

نحنا جينا لِكْ يادنيا..

بقلوب صغارْ…

ماعرفناالحلوة صيَّادي..

وتكوي بالنارْ.. 

حتى لَ بعيدْ أخدتنا.. 

وعَ حدودْالشوقْ زَرْعتنا.. 

نِدْبَلْ وماشربْنا.. 

ولاكانٌتْ تِسْقينا… 

عيونا الحلوينْ…

 دبَحتنا..

 عيونا الحلوينْ… 

        سوريا /جمال خضور