♥️سوء القرار🌹سوء القرار بدايه دمار وجرح غائر لو فيه ضرار...فيه القلوب بالحب أستار...ممكن يكون بعيد عن الإختيار...كان القرار دون التمعن فى الأفكار...وساعتها كل واحد فينا بيدور عن الإختيار...مابين الفراق او لوعة الإنتظار...وتجذع نفوسنا وأرواحنا تبدأ الاستنكار...ونلوم نفوسنا ويمكن تدوسنا فيها لهيب الإضطرار....تحرق فى روحنا دون رحمة وطبعا عقولنا بيها تحتار....ويمكن نفوسنا تحاول تغمسنا فى الأعذار...نحاول نداوي جروح ولكن دون إنتصار....وتعاندنا حياتنا وتصبح قلوبنا في إعتصار ...علشان نفرح ونضئ شموع بليلة تملأها الأنوار...كتبنا بروحنا بداية جروحنا بفكر تاهت عنه الأفكار...وده كله بسبب قرار فيه إفتقار...لمبادئ وقيم جملتها الأزهار...ووضعنا أحلامنا وكل أمالنا فى قائمة الإنتظار....ويمكن مش بأيدينا زرعنا الحلم بسوء القرار...ممكن غيرنا من الكبار هما إللى اخدوا القرار....ونسجنا للحب حكايات دون إمعان الإختيار...وكل ده يوصل لطريق الإنهيار....عانت بيوتنا ويمكن مدننا من الإنفصال بسبب القرار...علشان ضميرنا تاه وعقولنا ضاعت فى لحظة إنبهار... غابت فيه كل الأسرار خلف الأزهار....وشوفنا فيها الليل نهار...وكست عتمته الأستار بالإنبهار والإفتخار....ويمكن يكون الرجوع أصعب قرار...وحكمت علينا عقولنا بطول عمر الإنكدار....وده كله أصبح حالة من الإستنكار...وعشنا فيها كل أشكال الإحتضار...علشان قلوبنا غاصت فى بحر وهم لا تكفينا فيه الأعذار...كل واحد فينا شاف حقيقة غير حقيقة الجمال المستعار....رمينا روحنا فوق جروحنا بكل إللى يلفت الأنظار....وانكشفت كل الحيل والأستار....وده كله سوء اختيار وسوء قرار...بأعتذر منكم انا برضه من ضمن إللى قلوبهم تاهت بالإختيار....ولو أن مافيش حاجة تعوضنا إللى كان ولو بالإعتذار.
بقلمى...يسرى الشرقاوي
ليست هناك تعليقات:
إرسال تعليق