قصيده بعنوان (((مالك حروف )))بقلمى \\\\ تامرابوهيبه السبت28\3\2020
إِبعد بعيد عن سكتي
مالكش سطر في صفحتي
ياللي غاويت وجعي وأَلآمي
وإِشتريت البُعد عنها دُنيتي
إِبْعِدْ بَعِيدْ
اللي انكسر ما يتلحم
ولا عُمْرُهْ يرجع يوم سليم
والقلب لما ينجرح
عُمْرُه مايبقى في يوم سعيد
إِبْعِدْ بَعِيدْ
ابعد بعيد وإنسى اللي كان
ياللي هوايا عليك دا هان
قربت ليه بعد الهوان ؟
إِنسى اللى كان تانى يعود
إِبْعِدْ بَعِيدْ
ابعد بعيد عن صفحتي
مالك حروف حتى
الظروف اتغيرت
وانسى الامل في عودتي
اصل النهايه إِتسطرت
إِبْعِدْ بَعِيدْ
إِبْعِدْ بَعِيدْ
شعر \\\\\تامرابوهيبه
ليست هناك تعليقات:
إرسال تعليق