رباعيات الكورونا
الكورونا يلي جانا
ومرعوبين خلانا
بدنا نتصدالو بحزم
ونحمي منه سمانا
لاتقلي شيخ ولادين
وترجعني ورا سنين
مابينفعنا غير العلم
وهي أكبر دليل الصين
هالكورونا مالو لقاح
ومالاقولو ولامفتاح
ولازم مانستهتر فيه
تايضل العقل مرتاح
لاتصافحني إيد بإيد
خلي السلام من بعيد
بتعديني بالكورونا
خليني بعمري سعيد
يللي لابس كمامة
بدعيلك بالسلامة
زبطها عالوجه منيح
مابتفيد الندامة
إن بدك تحلى أيامي
وما تعذبني آلامي
انتبه لحالك منيح
واصحى تعطس قدامي
كل العالم حسدونا
انه ماعنا كورونا
نحنا عنا الهوارة
ومنغني ع دلعونا
شو يا كورونا الملعون
عم تتنقل هون وهون
لا تجرب تلعب معنا
نحنا منمحيك من الكون
بسام محسن - سوريا
ليست هناك تعليقات:
إرسال تعليق