ترحال
الي سافر وي جنح الطير
حتما يلتقي بغيوم
وتصافح دمعته المطرة
وتمطر سمانا هموم
الشمس تروف جروح اراضينا
وخيوطها تجفف بلل الهدوم
ونخلتنا لو وشل تمرها
كربها حطب لليكورون
وعلى طاري الغيرة
شفتها بس عد ذكول الناس
الي بالطيبة يتحزمون
بالدلة تفور الروح ومستحين أخلاق
وبفنجانهم نخوة يصبون
جنهم ريحة الجنة من تفوح
تفوح ارواحهم بجيتنا يبتسمون
وتذكرت ايام القدوة والتدريس
ادور
على شارتي
اريدن بيها يتقلدون
ثبتتلي الدراسة. حاصل وتحصيل
بحيث اخلاقهم تتدرس لليدرسون
طيبة قلوبهم تحمل معاني هواي
نخوة وكرامة بيها يتباهون
وغادرني الطير
وما هاجرت ياحيف
اريد اكعد اضوك المحبة
ألبيها تتريكون
زينب الفيحاء
ليست هناك تعليقات:
إرسال تعليق