طيور الظلام
نفسي اقول
كلمة للي عمرة ضاع
هدر
وبقى مسخة
في وسط الخلق
وخلي حياتة
وحياة اهلة
كدر
علشان سمع
كلام اصحاب السوء
والاخر الكل بية
غدر
ياللي ادمنت
ومن البودرة شميت
اول شدة من اصحاب
السوء ببلاش
ادوك
التانية لا
واخدوا عمرك ومالك
وخربوا بيتك
وفي الوهم
عيشوك
قالوا لك هتبقى
فحل
طلعت دكر
نحل
وفى صحتك
لعبوا عليك
وضيعوك
بعد ماكنت
مع اهل بيتك راجل
ومعلم
راحت صحنك والسلم
مش قادر تطلعة
ولاحتى قادر
تسلم
واصبحت عينك
مكسورة في بيتك
ومش قادر تنطق
ولاتتكلم
و انت ياللى
ادمنت حبوب
الهلوسة
وغبت عن الوعي
واتحرشت بمحارمك
واتبدل حالك
من راجل محترم
لطفل لسة فى
مدرسة
زنا المحارم.. لا
محرم في كل
شرع ودين
ياللي عايز ضرب
المكنسة
زين لك شيطانك
طريق الحرام
ومهد لك
طريق الضلال
ارجع لربك وعقلك
وامشى في طريق الحلال
وسيبك من
العبط والهبل
والدروشة
واللي ضيع عمرة
واولادة
وفرط في عرضة
واحفادة
وباع الكل واشترى
مزاجة
وفي النهاية
كان الخراب
وعدة والضياع
بابة
والهم لابعد عنة
ولاسابة شفت اللي
جرالك
بعت هدومك وهدوم
عيالك
علشان كيفك
جالك المرض
والقلق لاهل بيتك
واولادك
لانافع فيك علاج
ولا نصيحة
ولا مصحة نافعة
ولا قلعدتك في البيت
مريحة
وماسبتش لاهلك
غير الزعل والنكد
والفضيحة
لو اتقدم
لبنتك او لاختك عريس
وعرف انك
مدمن وفاشل
وحشاش
ياترى اية
ذنبها
لما تكسر
قلبها
وبسببك يضيع
عمرها
اوعي يابني
السموم دية
تقرب منها
حتى لو كانت
ببلاش
ليا رجاء ياريت
يتحقق
لاتطلع رخصة ولا شهادة
الا بعد فحص
بول ودم
وتحليل فية العين
بتدقق
وبكدة نخلص على
طيور الظلام
وافعالهم اللي زعلت الكل
وبتزهق
ضربات استباقية
من رجال
صقور بواسل
في جهاز شرطة
مصرية
مع رجال جيش
كلهم اقدام وتضحية
ووطنية
علشان تفضل مصر حرة
وابية
وعصية على الشر واهلة
في كل الدنيا
دية
بقلمى
محمد يونس
ليست هناك تعليقات:
إرسال تعليق