بقلم يوسف ونيس مجلع -- ايطاليا بريشيا
اصدقائي الاحباء بمناسبة الجمعة العظيمة كلمة بالعامية بعنوان -- حنانك وحبك --
حنانك وحبك دول قد ايه ------------ ما كان ذنبك وحاسبت عليه
هوانك وجلدك سمحت بيه -------- وجلالك فى صمتك ماقولت ليه
------------------------------------------------------------------------
اللي اهانك ولطمك غفرت ليه --- وحتى اللي نكرك برضو شاريه
بصبرك وجلدك والمر فيه -------------- تممت وعدك لادم وبنيه
-------------------------------------------------------------------------
ناديت بالخير المحتاج تعطيه ------- شافيت الضرير وشاف بعنيه
طريح السرير مشى برجليه ------ واسير الشرير حررته من اديه
-------------------------------------------------------------------------
ملك الملكوت خلا سماه ---------- في وداعة وسكوت وطول اناة
عبرت الصلبوت زي الجناه --------- وذوقت الموت وانت الحياه
-------------------------------------------------------------------------
الشمس غابت كساها السحاب -- ورحمتك زادت وكسرت الحجاب
ونعمتك فاضت وبقينا احباب -------- و ما عاد بينا سور ولا باب
--------------------------------------------------------------------------
علمتنا ازاى تهون الجراح ------------ فهمتنا ازاي يكون السماح
نولتنا ابوتك وحضنك البراح -------- وهبتنا بقيامتك خلود الافراح
بقلمى يوسف ونيس مجلع مصر
ليست هناك تعليقات:
إرسال تعليق