همسات الليل
خالد المنصوري/مصر
سألت الفجر .. ليه خافت ؟
جاوبني عيون كتير خافت
سألته .. وأمتى ييجي النور ؟
جاوبني .. لما تبقا جسور
سألته .. وفين نشوف بكرة ؟
جاوبني .. في نظرة من فكرة
سألته .. وليه بتتأخر ؟
جاوبني .. ما تستاهلش أظهر
سألته .. وليه تأنبني ؟
جاوبني .. أنت اللي سايبني
سألته .. بأيدي ايه أعمل ؟
جاوبني .. تشوف و تتأمل
سألته .. يفيد بإيه الشوف ؟
جاوبني .. هيهزم جوه منك خوف
سألته .. وبعد أما أنا اتجرأ ؟
جاوبني .. من العتمة راح أتبرأ
سألته .. ده وعد توفييني ؟
جاوبني .. ولو تخلف هتخفيني
عاهدته وقولت .. أنا موافق
وأنا وخوفي .. هنتفارق
خالد المنصوري/مصر
ليست هناك تعليقات:
إرسال تعليق