( ؛ ؛ ؛ يا سجان ؛ ؛ ؛ )
يا سجان مين مسجون
شايفك إنتا
بكلمة زور
بص وحقق
برضوا ودقق
تلقى طيور
شايفينُه هُدنه
بس انا عارفك شايفُه يا حارس
سجن وضلمه
شايفُه ألم
وأمل مكسور
شايفُه السوط
ودا شرحُه يطول
شايفُه الصمت
ينادي الليل
ويرُد التاني
اتهد الحيّل
شايف الجنه
برضوا مأآلك
والله يا واد
دا عشّم فرعون
شايف الظاهر
بس الظاهر
إن عماكُوا مالُه حلول
دنيا وفانيه وآهي بتدور
برا السجن الدنيا بسور
لكن الداخل خلوه
يا اخويه برب الكون
وانتا بشَدّا ويّا أوامر
مين مسجون
مش هنقولك
سجنكوا جنه
دي وصمه ولعنه
وبرضك سُنّه
من يوم يوسف ( ع )
حتى نهارنا
خليك عارف
باب الجنه بيفتح
أمتا ولا ازاي
يفتح والله بنزلة حبل
تعلّى الروح
وتسيب الصبر
طايره يا روحي
لْرب العدل
وانتا الجسم اديه القبر
لكن لسا دا سابت
لعنه تفضل ليكوا
ليوم النصر
حاسس إنك
سامعك تهمس
لسا زماني وسُلّطه وأمر
شوف كام واحد
قبلك عاند
ألِه نفسُه إله بالأمر
تعالى وشوفها
حُفره بشاهد
فيها النور أو فيها الجمر
برضوا أوامرك
حتى وظُلمك
برضك قاعده اتلم الشمل
عايز تهرب
من دا أنيس
تهرب فين وتسيب دا جليس
يلّا نيشانك
سيبتُه لغيرك
دايره يا ابويه وبرضك كلب
عارف برضوا
لو شاف رؤيا
وشاف الرقده ويّا الصُحبه
هيقول قبر
بأهل الشر ! ! !
يجري يا واد ويقولوا
يا شيخنا
شوفت امبارح
ميت لينا وصُحبتُه وسخه
ايه تفسيرها
ولا تقولي نام واتغطى
بُص يا إبني
دي مدلش
على سوء خاْتمه
كان بيحارب
أهل الشر
جات لُه السكته
وراح القبر
من غير عِزوة
طبل وزمر
قاموا البُعَدا استفرصوا بيه
حلو يا شيخنا
اديلُه افتيه
لابس العمّه دي والله وليه
لكن الدنيا
أكيد دوّاره
شوفت الليل مش بعدُه الفجر
ولا الموت
مش بعدُه النشر خليك فاكر
هسمع ردك يوم الحشر
......... ...... .... .. .
أحمد الصاوي مصر ١٨ / ٧ / ٢٠٢٠
ليست هناك تعليقات:
إرسال تعليق