بلد الكوله
=======
انا من سوهاج بلد الكوله
انا من الصعيد بلد الرجولة
فيها الشهامة والمجدعة
عايشين بكرامة مش امعة
لا يميده ايد ولا دول عبيد
لا حد يقدر يزلهم
ولا الإهانة من طبعهم
مش حبة رز ولا لقمة عيش
هي اللي تغير اصلوهم
ياللي انت جاي وعايز صوتهم
عشان تكسب في الانتخابات
راعي ضميرك قبل ما تحكم
ده اللي حسبها في الهنا بات
عمر الكرسي ما يوم هيدوم
خاليك فاكر قبلك مين
كان الكرسي دايم له في يوم
هو ده حال الدنيا يا مسكين
والله ما دايم غير الله
اياك تيجي على خلق الله
إيحنا غلابة وعايشن فيها
دايما ناخد وبنديها
خصم حوافز ويا ضرايب
ضاع المرتب ومقضيها
راضين هنا بالعيشة المرة
ولا يوم قولنا نسافر برة
قولت يا سيدي اربطه الحزام
علشان كله يبقى تمام
وادي رابطينه يا ناس ع الاخر
ونفسي انا مرة اشوفلها اخر
ليه عايزنا من غير صوت
نسكوت بقى ونطق نموت
وندفن راسنا في قلب الطين
ليه طب دحنا بني ادمين
عايشين وادينا مش عايشين
طب بالذمة هنشكي لمين
اهي ايام وتمر قوام
بس إزاي وتمر بمين
دحنا بنحلم نبني بلدنا
ونعيش فيها باقي حياتنا
ونخضرها ونكبرها
ونعمرها ليوم الدين
بحلم بكرة يهل العيد
وبإذن مع فجر جديد
انتي يا بلدي يا غالية عليا
والله حياتي وضي عينيا
ياللي جاي و هتتوالنا
احنا معاك واهو صوتنا امانة
ايدنا في ايدك قوم وساعدنا
خاليك انت عكاز ايدنا
نسند بعض ونيني في بيتنا
مصر يا درة مصر يا حرة
علشانك انا اموت ميت مرة
علشان تعلا بكره رايتنا
وانا صوتي هيملا الدوار
وبقولها بجد ومش بهزار
ايدي في ايدك شد وريدك
علشان مصر متبقي عمار
ويا ساعة النائب كلمة
اخيرة ولازم اقولها
المايلة دي لازم تعدلها
عيش بكرامه وراعي ضميرك
سيبك من الكرسي ومحاسيبك
اصل القرش ما يوم هينجيك
ولا عن الآخرة هيغنيك
علشان يوم ما تقابل ربك
تبقى حقيقي الجنة تنولها
:
#ماجدة_البهيدي
:
ليست هناك تعليقات:
إرسال تعليق